တိုက်ခိုက်ရေးလက်ရုံးတပ်ဖွဲ့များပေါ်ပေါက်လာပုံ (နိဂုံး)

စစ်သဘောတရားများကို ချမှတ်ကျင့်သုံးနိုင်ရန် စစ်သည်တစ်ဦးချင်း၊ စိန်ပြောင်း၊ တင့်ဖျက် စသောလက်နက်များကိုပစ်ခတ်သည့်အဖွဲ့တစ်ဖွဲ့ချင်းမှသည် တပ်မ၊ တပ်မကြီး၊ တပ်တော်အဆင့်အထိ အဆင့်တိုင်းတွင် မပြတ်လေ့ကျင့်ရန်လိုအပ်ပါသည်။ စစ်သည် များသည် မှောင်မိုက်ချိန်၊ ရာသီဥတုဆိုးရွားချိန်၊ ရန်သူပစ်ခတ်မှုခံရချိန် စသည်ဖြင့် မည်သည့် အခြေအနေတွင်မဆို ၎င်းင်းတို့၏လုပ်ငန်းတာဝန်များကိုဆောင်ရွက်နိုင်ရန် လေ့ကျင့်ထား ရမည်။ အမြဲတမ်းစစ်သည်များ(Professional Soldier)သည် စစ်ပွဲတွင်ထိရောက်စွာ တိုက်ခိုက်နိုင်ရန် အောက်ခြေစစ်သည်များအတွက် လိုအပ်သောလေ့ကျင့်ရေးပမာဏနှင့် အရည်အသွေးကို ပိုမိုသာသာခန့်မှန်းတတ်ကြပါသည်။ လက်တွေ့ကျသောလေ့ကျင့်ရေးကို မည်သည့်အရာမှအစားမထိုးနိုင်ပါ။ သို့ရာတွင် သမိုင်းတလျောက်တွင် အရည်အသွေး မြင့်မားသောခေါင်းဆောင်များသည် ၎င်းင်းတို့၏တပ်ဖွဲ့များလုပ်နိုင်ပုံမရသည့် စစ်သဘော တရားများကို သုံးစွဲခြင်းမပြုခဲ့ကြပေ(သို့မဟုတ်) ပြုပြင်သုံးစွဲခဲ့ကြပါသည်။

တစ်ဘက်တွင်မူ လေ့ကျင့်ရေးအဆင့်သည် လက်ရှိတပ်ဖွဲ့စည်းပုံနှင့် စစ်သဘော တရားကို မွမ်းမံအဆင့်မြှင့်တင်ပေးနိုင်ရမည်။ ဥပမာအားဖြင့် တပ်ခွဲမှူးများသည် စစ်သည် ၈၀-၁၀၀ ခန့်နှင့် လက်နက်အမျိုးအစား ၂ မျိုးခန့်ကိုသာ ပေါင်းစပ်ညှိနှိုင်းကွပ်ကဲအုပ်ချုပ် နိုင်စွမ်းရှိပြီး အင်အား ၁၇၀ ခန့်ရှိပြီး လက်နက် ၁၀ မျိုးခန့် တပ်ဆင်ထားသောတပ်ခွဲမျိုးဖွဲ့ စည်းခြင်းသည် အချည်းအနှီးသာဖြစ်ပါလိမ့်မည်။ ထိုသို့ပိုမိုကြီးမားပြီး ပိုမိုရှုပ်ထွေးသော တပ်ဖွဲ့များကို ကိုင်တွယ်အုပ်ချုပ်ရေးအတွက် တပ်ခွဲမှူးများကိုလေ့ကျင့်ပေးရန်မှာ ငြိမ်းချမ်း ချိန်တွင် မတတ်နိုင်လောက်အောင်အကုန်အကျများပြီး စစ်ကာလတွင် မဖြစ်နိုင်လောက်အောင် အချိန်များစွာလိုအပ်မည်ဖြစ်ပါသည်။

ထိုဥပမာသည် စစ်ဆင်ရေးများ၏ နောက်အလားအလာတစ်ခုကိုလည်း မီးမောင်း ထိုးပြနေပါသည်။ တိုက်ပွဲများ၏သဘောသဘာဝမှာ ပိုမိုရှုပ်ထွေးလာသည့်အတွက် တပ်မတော်များသည် တပ်မှူးငယ်များ၏သုံးသပ်မှုနှင့်စွမ်းဆောင်ရည်အပေါ် ပို၍မှီခို နေပါသည်။ ၁၉၁၄ ခုနှစ်မတိုင်မီက ခြေလျင်တပ်ရင်းမှူးတစ်ဦးသည် စစ်သည် ၃၀၀ မှ ၈၀၀ အထိပါဝင်သော ၎င်းင်း၏တပ်ရင်းကို တပ်ဖွဲ့တစ်ခုတည်းအဖြစ် လှုပ်ရှားစစ်ကစား ပါသည်။ ၎င်းင်းစစ်သည်အားလုံးသည် တပ်ရင်းမှူး၏အမိန့်သံကိုကြားနိုင်ပြီး ချက်ချင်းလိုက်နာ လုပ်ဆောင်နိုင်လောက်အောင် တပ်ရင်းမှူးနှင့်နီးကပ်ပါသည်။ သို့ရာတွင်လက်နက်များ၏ သေကြေဖျက်ဆီးစွမ်းအားတိုးလာသည့်အတွက် လူတစ်ယောက်၏အသံကိုကြားနိုင်သည့် အကွာအဝေးထက်ကျော်လွန်ပြီး တပ်များကိုခပ်ကျဲကျဲဖြန့်ရန် လိုအပ်လာပါသည်။ နောက်ဆုံးတွင် မပျက်လွယ်သောလူသယ်ရေဒီယိုစက်များပေါ်ပေါက်လာသည့်အတွက် အရာရှိတစ်ဦးသည် တပ်ကြီးများကိုကွပ်ကဲနိုင်လာပါသည်။ သို့ရာတွင် ထိုအချိန်၌ တပ်စု၊ တပ်ခွဲတိုင်းတွင် လက်နက်မျိုးစုံတပ်ဆင်လာသည့်အတွက် တပ်ရင်းမှူးသည် သူ၏ ကြံရွယ်ချက်များကိုအကောင်အထည်ဖော်ရန် အသေးစိတ်ဆုံးဖြတ်ချက်ချရာ၌ သူ၏ လက်အောက်ခံ တပ်ခွဲမှူး/တပ်စုမှူးများကို အားကိုးအားထားပြုရန်လိုအပ်ပါသည်။ ထို့ကြောင့် ၁၉ရာစုက ခြေလျင်တစ်ရင်းကို စစ်သက် ၁၅ နှစ်အထက်ရှိသည့် အရာရှိတစ်ဦးမှ ကွပ်ကဲခဲ့သော်လည်း ၂၀ ရာစုနှစ်တိုက်ပွဲများကို မကြာခဏဆိုသလိုပင် အတွေ့အကြုံ နည်းသည့်အရာရှိများက ဆုံးဖြတ်လာရပါသည်။

ကွပ်ကဲမှု၊ ထိန်းချုပ်မှုနှင့် ဆက်သွယ်ရေးများကို ငြိမ်းချမ်းချိန်တွင် လေ့ကျင့်ရန်နှင့် စစ်ကာလတိုက်ပွဲတွင် ပေါင်းစပ်ညှိနှိုင်းရန်လိုအပ်ပါသည်။ မည်သည့်အဆင့်တွင်မဆို တပ်မှူးကောင်းတစ်ဦးသည် အပြီးသတ်ဆုံးဖြတ်ချက်ချမှတ်ရုံသာမက ၎င်းင်း၏စစ်သည်များကို စိတ်ဓါတ်မြှင့်တင်ပေးရန်လည်းလိုအပ်ပါသည်။ ထိုသို့လုပ်ငန်းတာဝန်နှစ်ခုကြောင့် တပ်မှူးများသည် အစွန်းနှစ်ဘက်ကြား ဗျာများရပါသည်။ ဆုံးဖြတ်ချက်ချမှတ်နိုင်ရန်အတွက် တပ်မှူးသည်တိုက်ပွဲတစ်ခုလုံးအတွက် ပေါင်းစပ်ညှိနှိုင်းရန်သတင်းအချက်များရရှိနိုင်ပြီး ဆက်သွယ်ရလွယ်ကူသောနောက်ပိုင်းတွင် ရှိနေရန်လိုအပ်ပါသည်။ အခြားတစ်ဘက်တွင်မူ တိုက်လိုခိုက်လိုစိတ်ပြင်းထန်သော အဆင့်အသီးသီးမှတပ်မှူးများသည် တိုက်ပွဲကို မျက်စိဖြင့် တပ်အပ်မြင်ရပြီး စစ်သည်များကိုစံနမူနာပြခေါင်းဆောင်နိုင်ရန် ရှေ့တန်းမှ ဦးဆောင်လို ကြပါသည်။ ကံဆိုးသည်မှာ တပ်မှူးကိုယ်တိုင်ရှေ့မှဦးဆောင်ခြင်းသည် တပ်မှူးကိုထိခိုက်နိုင် သည့်အန္တရာယ်ရှိရုံသာမက တပ်မှူးသည် သူမြင်တွေ့နေရသောတိုက်ပွဲအပိုင်းတွင်သာ အာရုံရောက်နေပြီး တိုက်ပွဲတစ်ခုလုံးအတွက် သူ၏အခြားသောတာဝန်များကို လျစ်လျူရှုမိ တတ်စေပါသည်။ ထို့ကြောင့် ကွပ်ကဲမှုအဆင့်ဆင့်ကိုဖွဲ့စည်းရာတွင် တပ်မှူးငယ်များကို စစ်နည်းဗျူဟာအပေါ်တွင်သာ လွတ်လွတ်လပ်လပ်အာရုံစိုက်လုပ်ဆောင်နိုင်စေရန် ၎င်းင်းတို့၏ အုပ်ချုပ်ထောက်ပံ့မှုကိစ္စရပ်အများစုကိုတစ်ဆင့်ဆင့်က တာဝန်ယူလုပ်ဆောင်ပေးနိုင်ရန် ဖွဲ့စည်းထားရမည်။

တပ်မှူးအနေဖြင့် ရှေ့တန်းကျကျကွပ်ကဲသည်ဖြစ်စေ၊ နောက်ပိုင်းမှကွပ်ကဲသည် ဖြစ်စေ တိုက်ပွဲကိုထိန်းချုပ်မှုနှင့် ဆက်သွယ်မှု(Control and Communication)များဖြင့် ကွပ်ကဲရပါသည်။ ထိန်းချုပ်မှုတွင် တည်မြဲအမိန့်များနှင့် ဦးစီးအဖွဲ့ဖြင့် အလုပ်လုပ်ဆောင် ခြင်းတို့ပါဝင်ပါသည်။ ဦးစီးအရာရှိများသည် အခြေအရပ်ရပ်ကိုမပြတ်စောင့်ကြည့်ခြင်း၊ မည်သို့လုပ်ဆောင်သင့်သည်ကိုအကြံပြုခြင်းနှင့် တပ်မှူး၏ကြံရွယ်ချက်များကို အကောင် အထည်ဖော်ခြင်းတို့ဖြင့် တပ်မှူးကိုဝန်ပေါ့အောင်ကူညီနိုင်ပါသည်။ စစ်ဆင်ရေးများ ပိုမိုကျယ်ပြန့်လာခြင်းနှင့် ရှုပ်ထွေးလာခြင်းကြောင့် ဌာနချုပ်ဦးစီးအဖွဲ့များ ဖွဲ့စည်းပုံပိုမို ကြီးမားပြီး ပိုရှုပ်ထွေးလာပါသည်။ ထိုပြဿနာအတွက် နည်းလမ်းတစ်ရပ်မှာ ကွပ်ကဲမှု လုပ်ငန်းစဉ်အစိတ်အပိုင်းများကို ကွပ်ကဲမှုဌာနချုပ်များ ခွဲထားခြင်းဖြစ်ပါသည်။ ဥပမာအားဖြင့် တပ်မှူးသည် လက်ရှိစစ်ဆင်ရေးများအား သေးငယ်သောလှုပ်ရှားကွပ်ကဲမှုဌာနချုပ်ဖြင့် ကွပ်ကဲနေစဉ် နောက်ပိုင်းတွင်ရှိသည့်ပင်မဌာနချုပ်သည် အနာဂတ်စီမံကိန်းများကို ပြင်ဆင်ခြင်းနှင့် စစ်ဆင်ရေးအတွက်လိုအပ်သော အုပ်ချုပ်ထောက်ပံ့မှုကိစ္စများ ပေါင်းစပ် ညှိနှိုင်းခြင်းများ ဖြစ်ပါသည်။

ကွပ်ကဲမှုနှင့်ထိန်းချုပ်မှုအတွက် အချိန်လိုအပ်ပါသည်။ အခြေအနေကို အကဲဖြတ် သုံးသပ်ရန်အတွက် လိုအပ်သောသတင်းများစုဆောင်းရန်အချိန်၊ အကောင်းဆုံးလုပ်ဆောင် နိုင်မည့်နည်းလမ်းဖော်ထုတ်ရန်နှင့် ရွေးချယ်ရန်အချိန်၊ ဆုံးဖြတ်ချက်များကိုဖြန့်ဖြူးရန်နှင့် တပ်ဖွဲ့မျိုးစုံကိုပေါင်းစပ်ညှိနှိုင်းရန်အချိန်နှင့် နောက်ဆုံးတွင် စစ်ဆင်ရေးကို အမှန်တကယ် ဆင်နွှဲရန်အချိန်တို့ဖြစ်ပါသည်။ ထိုသို့အချိန်ကြန့်ကြာမှုများကြောင့် ဖြစ်လာသောပြဿနာမှာ တိုက်ပွဲအခြေအနေပြောင်းလဲသွားသည်နှင့် တပ်မှူး၏စီမံချက်များသည် အခြေအနေနှင့် မကိုက်မညီဖြစ်သွားနိုင်ပါသည်။ ဒုတိယအချက်မှာ တပ်ဖွဲ့တစ်ဖွဲ့သည် ၎င်းင်းတို့၏ ဆုံးဖြတ်ချက် ချသည့်လုပ်ငန်းစဉ်ကို ပိုမြန်အောင်အရှိန်မြှင့်လုပ်ဆောင်သည်နှင့် ၎င်းင်း၏ရန်သူက တုံ့ပြန်နိုင်သည်ထက် ပိုမိုလျင်မြန်စွာလုပ်ဆောင်နိုင်စေပါသည်။ ထိုသို့ ဆုံးဖြတ်ချက်ချရာတွင် ပို၍မြန်ဆန်အောင်လုပ်ဆောင်နိုင်ခြင်းသည် ကမ္ဘာစစ်ကြီးနှစ်ခုလုံးတွင် ဂျာမန်တပ်မတော်အား အလွန်အောင်မြင်စေခဲ့သည့်အကြောင်းများအနက်မှ တစ်ခုဖြစ် ပါသည်။

တပ်မှူးနှင့်ဦးစီးအဖွဲ့များ မည်သို့အလုပ်လုပ်သည်ဖြစ်စေ သတင်းအချက် အလက် များစုစည်းရန်၊ အမိန့်များထုတ်ပြန်ရန်နှင့် ပေါင်းစပ်ညှိနှိုင်းရန်တို့အတွက် ဆက်သွယ်ရေးသည် အရေးအကြီးဆုံးဖြစ်ပါသည်။ ပြောင်းလွယ်ပြင်လွယ်မရှိသော ဆက်သွယ်ရေးစနစ်သည် တပ်မှူးများအား ဌာနချုပ်များမှခွာမရဖြစ်စေပြီး ဆုံးဖြတ်ချက်ချသည့်လုပ်ငန်းကို နှောင့်နှေး စေကာ ဆက်သွယ်မှုပြတ်တောက်သွားခြင်းကြောင့် တပ်မှူးအနေဖြင့် ရန်သူကိုသိပင် မသိလိုက်ပဲ ရှုံးနိမ့်သွားမည်ဖြစ်ပါသည်။

နောက်ဆုံးအချက်မှာ စိတ်အားထက်သန်မှု (သို့မဟုတ်) ဥာဏ်နှင့်ယှဉ်သောသတ္တိ ဖြစ်ပါသည်။ စစ်သဘောတရား၊ ဖွဲ့စည်းပုံနှင့်ဦးစီးလုပ်ငန်းများသည် တိုက်ပွဲ၏ ပရမ်းပတာ ဖြစ်ရပ်များကို အစီအစဉ်ကျနအောင်လုပ်နိုင်စွမ်းမရှိပါ။ အခြေအနေတစ်ရပ်အတွက် အကောင်းဆုံးပြုလုပ်ထားသော စီမံချက်တစ်ခုသည် အခြေအနေပြောင်းသွားသည်နှင့် လုံးဝအသုံးမတည့်ဖြစ်သွားနိုင်ပါသည်။ မည်သည့်တိုက်ပွဲမှ စီမံချက်အတိုင်း အတိအကျ စင်းလုံးချောမဖြစ်ပါ။ မည်သည့်တိုက်ပွဲမဆို တိုက်ပွဲဝင်သူများနှင့် ငယ်သားများသည် ၎င်းတို့၏ ရဲဘော်ရဲဘက်များနှင့်တပ်အတွက် မိမိအသက်ကိုစွန့်လွှတ်နိုင်စွမ်းရှိမှသာ စစ်သဘောတရားအယူအဆများကို လက်တွေ့လုပ်ဆောင်မှုအဖြစ် ပြောင်းလဲနိုင်မည်ဖြစ်ပါသည်။

အတိုချုပ်ရလျှင် တပ်မတော်များသည် ပြောင်းလဲနေသောနည်းပညာနှင့် လိုက်လျော ညီထွေရှိစေရန် ၎င်းတို့၏စစ်သဘောတရားများနှင့်ဖွဲ့စည်းပုံကို မပြတ်သုံးသပ်နေရမည် ဖြစ်ပါသည်။ တပ်မှူးများသည် စစ်သဘောတရားများကို လက်တွေ့ကျင့်သုံးနိုင်ရန်အတွက် တပ်များကို ပေါင်းစပ်ညှိနှိုင်းလေ့ကျင့်ပေးရပါမည်။ ကြိုတင်မခန့်မှန်းနိုင်သော၊ အန္တရာယ် များသောတိုက်ပွဲများတွင် တပ်ဖွဲ့ဝင်တိုင်းသည် မိမိတို့တာဝန်ကိုချောမောလျင်မြန်စွာ ဆောင်ရွက်နိုင်ရမည်ဖြစ်ပါသည်။

----------------------------------------------------------------------------------------------------------------------