တိုက်ခိုက်ရေးလက်ရုံးတပ်ဖွဲ့များပေါ်ပေါက်လာပုံ (အပိုင်း-၅)

ဟန်ချက်ညီစွာပေါင်းစပ်ညှိနှိုင်းတိုက်ခိုက်ခြင်း

တပ်မတော်တစ်ရပ်သည် စစ်မြေပြင်တွင်ထိရောက်စွာတိုက်ခိုက်နိုင်ရန်အတွက် လုပ်ငန်းဆောင်တာများစွာ ဆောင်ရွက်ရန်လိုပါသည်။ ဟန်ချက်ညီစွာပေါင်းစပ်ညှိနှိုင်း တိုက်ပွဲဝင်နိုင်ရန် ဖွဲ့စည်းပုံနှင့်စစ်သဘောတရား၊ လေ့ကျင့်ရေး၊ ကြီးကြပ်ကွပ်ကဲမှု၊ ဆက်သွယ်ရေးနှင့်စိတ်ဓါတ်ကြံ့ခိုင်ကောင်းမွန်မှုတို့ လိုအပ်ပါသည်။ မည်သည့်တပ်မတော်မှ ထိုအချက်များ အလုံးစုံပြည့်ဝခြင်းမရှိပဲ ထိုအချက်များတွင်မပြည့်စုံမှုနည်းပြီး အမှားနည်း သည့်ဘက်က အောင်ပွဲရသည်သာဖြစ်ပါသည်။

ဖွဲ့စည်းပုံနှင့်စစ်သဘောတရားသည် တပ်မတော်တစ်ရပ်အနေဖြင့် မည်သို့တိုက်ပွဲ ၀င်မည်ကိုဖော်ပြနေပါသည်။ စစ်ကာလတွင် ကြည်းတပ်များ၏ဖွဲ့စည်းပုံသည် အမြဲတစေ ပြောင်းလဲနေသော တိုက်ပွဲအခြေအနေပေါ်မူတည်ပြီး လက်နက်များနှင့် စစ်သည်များကို သင့်တော်သလိုပေါင်းစပ်ဖွဲ့စည်းနိုင်ရန်အတွက် ပြောင်းလွယ်ပြင်လွယ်ရှိရပါမည်။ အကောင်းဆုံးဖွဲ့စည်းထားသည့် တပ်ဖွဲ့တစ်ခုသည်ပင် တပ်ဖွဲ့ဝင်များအနေဖြင့် ၎င်းင်းတို့တပ်ဖွဲ့ မည်သို့မည်ပုံတိုက်ခိုက်မည်ဆိုသည့်သဘောတရားနှင့် ဝေါဟာရများကို နားမလည်လျှင် အသုံးဝင်လိမ့်မည်မဟုတ်ပါ။ ထိုသို့တပ်ဖွဲ့ဝင်အားလုံး နားလည်ထားရမည့်အချက်ကို စစ်သဘောတရား(Doctrine)ဟုခေါ်ပါသည်။ စစ်သဘောတရားသည် တရားသေမဖြစ်ရပါ။ ၎င်းင်းသည် စစ်နည်းဗျူဟာအခြေအနေတိုင်းအတွက် ယေဘုယျလုပ်ထုံးလုပ်နည်းနှင့် ကိုးကားရန် မူဘောင်(Frame) သာဖြစ်ပါသည်။ တကယ်တမ်းတွင် စစ်သဘောတရားကို အထက်မှချပေးရုံဖြင့်မရပဲ အရာရှိ/စစ်သည်အဆင့်အတန်းအသီးသီးသည် မိမိတို့၏ စစ်သဘောတရားကို ကောင်းစွာနားလည်ကာ ရှိသည့်စစ်သည်နှင့်လက်နက်ပစ္စည်းများဖြင့် ထိုစစ်သဘောတရားကို အကောင်အထည်ဖော်နိုင်သည်ဟု ယုံကြည်မှုရှိရပါမည်။

အရပ်ဘက်မှလေ့လာသူများက တပ်မတော်များ၊ အထူးသဖြင့်အရာရှိများသည် နည်းပညာအပြောင်းအလဲကို ဆန့်ကျင်ကြကြကြောင်း ဝေဖန်တတ်ပါသည်။ အမှန်မှာ နည်းပညာအပြောင်းအလဲကိုဆန့်ကျင်ခြင်းသည် ရှေးရိုးစွဲစိတ်ဆန္ဒကြောင့်သာမက လက်နက်သစ်များကိုအကောင်းဆုံးအသုံးပြုနိုင်ရန် ဖွဲ့စည်းပုံနှင့် စစ်သဘောတရားပိုင်းကို ခက်ခဲစွာပြန်လည်ချိန်ညှိရသည့်အတွက်ဖြစ်ပါသည်။ ထိုသို့ဖွဲ့စည်းပုံနှင့် စစ်သဘောတရားကို ပြန်လည်ချိန်ညှိရာတွင် လက်နက်သစ်ကိုမည်သို့အသုံးချသင့်သည်ဟု ဆုံးဖြတ်ရန်သာမက ထိုလက်နက်များကိုအသုံးပြုမည့် အရာရှိများ၏ စစ်သဘောတရားများကို မွမ်းမံပေးရန် အတွက်ပါ အချိန်များစွာလိုအပ်ပါသည်။ အရာရှိကြီးများသည် ကိစ္စရပ်မှန်သမျှကို ၎င်းင်းတို့၏ အတိတ်က ကိုယ်ပိုင်အတွေ့အကြုံများဖြင့်သာ နှိုင်းယှဉ်ကြည့်လေ့ရှိပါသည်။ မိမိတို့၏ အတွေ့အကြုံများမှာ ၁၀ နှစ် (သို့မဟုတ်) နှစ်ပေါင်း ၃၀ ကျော်ကြာခဲ့ပြီးဖြစ်စေ ထိုအတွေ့ အကြုံများဖြင့်သာ နှိုင်းယှဉ်စဉ်းစားလေ့ရှိပါသည်။ ဥပမာအားဖြင့် တပ်စုမှူးဘ၀က စိတ်မချ ရသော Vacuum Tube ဆက်သွယ်ရေးစက်များနှင့် နပန်းလုံးခဲ့ရသည့် အရာရှိတစ်ဦးသည် နောက်နှစ်ပေါင်း ၂၀ အရာရှိကြီးဖြစ်လာချိန်၌ ဂြိုလ်တုဆင့်ကမ်းဆက်သွယ်ရေးစနစ်နှင့် လက်ပ်တော့ကွန်ပျူတာများကို အခြေခံသည့်ဆက်သွယ်ရေးစနစ်များကို လက်ခံရန် အခက်အခဲရှိမည်ဖြစ်ပါသည်။

၂၀ရာစုတွင် တပ်မတော်များသည် စက်သေနတ်၊ တင့်ကား၊ မြေပြင်တိုက်ခိုက်ရေး လေယာဉ်၊ ရဟတ်ယာဉ် စသောလက်နက်သစ်များနှင့် လိုက်လျောညီထွေဖြစ်အောင် ၎င်းတို့၏စစ်သဘောတရားများကို ညှိနှိုင်းခဲ့ရသည့်အတွေ့အကြုံရှိပါသည်။ ထိုသို့ ညှိနှိုင်း ရာတွင် အဆင့်သုံးဆင့်ဖြင့်လုပ်ဆောင်ခဲ့ပါသည်။ ပထမအဆင့်တွင် လက်နက်အသစ် အတွက် ဖွဲ့စည်းပုံနှင့် စစ်သဘောတရားမည်သို့သတ်မှတ်ရမည်ကို မသိသေးပေ။ ထို့ကြောင့် တပ်မှူးများသည် လက်နက်သစ်များကို လက်ရှိလက်ရုံးတပ်နှင့်ဝန်ထမ်းတပ်များဖြင့် ဆောင်ရွက်နိုင်ခြင်းမရှိသောနေရာအချို့တွင်သာအသုံးဝင်သည့် အထူးသုံးအရန်လက်နက် အဖြစ်သာ သဘောထားကြပါသည်။ ဒုတိယအဆင့်မှာ လက်နက်သစ်ကိုစိတ်ဝင်စားသူ အချို့က လက်နက်သစ်အားသီးခြားစစ်လက်ရုံးသစ်အဖြစ်ထူထောင်ရန် ကြိုးစားကြပြီး ၎င်းလက်နက်သစ်တစ်ခုတည်းနှင့်(သို့မဟုတ်) ရှိပြီးအခြားလက်ရုံးတစ်ခုခုနှင့် ပူးပေါင်းပြီး အောင်ပွဲရအောင်တိုက်ခိုက်နိုင်သည်ဟု ချဲ့ကားပြောကြပါသည်။ ထိုအချိန်တွင် ရန်သူ တပ်မတော်သည်လည်း လက်နက်သစ်ကိုမည်သို့မည်ပုံတုံ့ပြန်ရမည်၊ ဖွဲ့စည်းပုံကို မည်သို့ ပြင်ဆင်ပြောင်းလဲရမည်ဆိုသည်ကို ဆုံးဖြတ်ရန်အခက်ကြုံနေဆဲဖြစ်သည့်အတွက် လက်နက်သစ်ကို သီးခြားစစ်လက်ရုံးအဖြစ်အသုံးပြုခြင်းဖြင့် အောင်ပွဲရကောင်းရနိုင်ပါသည်။ သို့ရာတွင် နောက်ဆုံး၌နှစ်ဖက်စလုံးက လက်နက်သစ်၏ထိရောက်မှုကို တန်ပြန်နိုင်မည့် နည်းလမ်းများကို တီထွင်လာနိုင်ကြပါသည်။ ထို့ကြောင့်လက်နက်သစ်အနေဖြင့် ၎င်းင်းချည်း သက်သက်ဖြင့် အောင်မြင်မှုမရနိုင်တော့ပဲ ပေါင်းစပ်လက်ရုံးတပ်ဖွဲ့တစ်ခု၏ တင်းပြည့်အဖွဲ့ဝင် ဖြစ်မှသာ အောင်မြင်မှုရရှိနိုင်ပါသည်။ ထို့သို့ပေါင်းစပ်လက်ရုံးတပ်ဖွဲ့ကို စစ်လက်ရုံးသစ် အားထည့်သွင်းပြီး ချဲ့ထွင်ဖွဲ့စည်းသည့်အချိန်တွင် စစ်သည်များအနေဖြင့် အခြားလက်နက်နှင့် ၀န်ထမ်းတပ်များ၏စွမ်းရည်ကို အားဖြည့်ပေးရန်အတွက် လက်နက်သစ်ကို မည်သို့မည်ပုံ ပေါင်းစပ်အသုံးချရမည်ဆိုသည့် သဘောတရားများကိုနားလည်ပြီး စစ်သဘောတရားကို ဖော်ထုတ်နိုင်သည့်အဆင့်သို့ ရောက်ရှိမည်ဖြစ်ပါသည်။

ဥပမာအားဖြင့် တင့်များပေါ်ဦးစတွင် တင့်များသည်ကတုတ်ကျင်းစစ်ဆင်ရေးများ၌ ခြေလျင်နှင့်အမြောက်တပ်ကိုအကူပေးနိုင်သည့် နှေးကွေးပြီးပျက်စီးချို့ယွင်းလွယ်သော အထူးသုံးလက်နက်ဖြစ်ပြီး ၎င်းချည်းသက်သက် စစ်ဆင်နိုင်ခြင်းမရှိသောလက်နက်အဖြစ် ရှုမြင်ကြပါသည်။ တင့်တပ်ဖွဲ့သစ်၏ အစောပိုင်းခေါင်းဆောင်များသည် တင့်တပ်ဖွဲ့အား အကူလက်ရုံးအဆင့်သာသတ်မှတ်ခံရသည်ကို အားမလိုအားမရဖြစ်ကာ တင့်တပ်ဖွဲ့ဖြင့် စစ်ပွဲကိုအနိုင်တိုက်နိုင်မည့် သီးခြားစစ်လက်ရုံးတပ်ဖွဲ့အဖြစ် ထူထောင်နိုင်မည့်နည်းလမ်းများ ရှာကြံခဲ့ကြပါသည်။ တင့်အများစုဖြင့် ဖွဲ့စည်းထားသောတပ်ဖွဲ့များသည် ဒုတိယကမ္ဘာစစ် အစောပိုင်း၌ ပြင်ဆင်မှုအားနည်းသောခံစစ်ဆင်သူများကို တိုက်ခိုက်ခဲ့ရာတွင် အောင်မြင်မှုများ ရရှိခဲ့ပါသည်။ သို့ရာတွင် နောက်ဆုံး၌တပ်မတော်အများစုသည် တင့်များကို အသုံးချသည့် နည်းပညာနှင့် တင့်ချေမှုန်းရေးနည်းပညာများကို ဖော်ထုတ်လာနိုင်ခဲ့ပါသည်။ ၎င်းနောက် တင့်များသည် အရေးပါသောလက်နက်အဖြစ်ရှိနေဆဲဖြစ်သော်လည်း သူ့ချည်းသက်သက် မသုံးပဲ အခြားသောတိုက်ခိုက်ရေးလက်ရုံးများနှင့် ပေါင်းစပ်အသုံးပြုမှသာလျှင် စွမ်းဆောင် ရည်အကောင်းဆုံးရရှိပါသည်။ မြေပြင်တိုက်ခိုက်ရေးလေယာဉ်များသည်လည်း အလားတူ တရွေ့ရွေ့တိုးတက်လာခဲ့ခြင်းဖြစ်ပါသည်။

(ဆက်လက်ဖော်ပြပါမည်။)